3 గంట‌ల పాటు నిలిచిన పేటీఎం సేవలు... సాంకేతిక కార‌ణాలేన‌న్న సంస్థ
- శుక్ర‌వారం ఉద‌యం 9 గంట‌ల నుంచి నిలిచిన పేటీఎం సేవ‌లు
- వినియోగ‌దారుల నుంచి వెల్లువెత్తిన ఫిర్యాదులు
- 12 గంట‌ల‌కు తిరిగి పున‌రుద్ధ‌ర‌ణ అయిన వైనం
ఆన్‌లైన్ పేమెంట్స్‌లో దిగ్గజ సంస్థ‌గా ఎదిగిన పేటీఎం శుక్రవారం వినియోగ‌దారుల‌కు చుక్క‌లు చూపించింది. నేటి ఉద‌యం 9 గంట‌ల నుంచి మ‌ధ్యాహ్నం 12 గంట‌ల దాకా పేటీఎం సేవలు స్తంభించాయి. దీంతో పేటీఎం వినియోగ‌దారులు తీవ్ర అసౌక‌ర్యానికి గుర‌య్యారు. ఈ అసౌక‌ర్యంపై వినియోగ‌దారుల నుంచి ఫిర్యాదులు వెల్లువెత్త‌డంతో పేటీఎం సంస్థ ఆ తర్వాత స‌మ‌స్య‌ను ప‌రిష్క‌రించింది.
శుక్రవారం ఉద‌యం పేటీఎం ద్వారా చెల్లింపులు చేసేందుకు వినియోగ‌దారులు యాప్‌ను ఓపెన్ చేయ‌గా... సాంకేతిక స‌మ‌స్య‌లు క‌నిపించాయి. పేటీఎం ఓపెన్ అయినా... చెల్లింపులు కాలేదు. చెల్లింపుల‌కు అనుమ‌తి ఇచ్చిన వెంట‌నే పేటీఎం దానిక‌దే లాగౌట్ అయ్యింది. ఆ తర్వాత తిరిగి లాగిన్ అవుదామ‌ని య‌త్నించిన వినియోగ‌దారుల‌కు నిరాశే ఎదురైంది.
దీంతో వినియోగ‌దారులు పెద్ద ఎత్తున పేటీఎంకు ఫిర్యాదులు చేశారు. దీంతో అప్ప‌టిక‌ప్పుడు రంగంలోకి దిగిన పేటీఎం బృందం త‌లెత్తిన సాంకేతిక స‌మ‌స్య‌ను ప‌రిష్క‌రించింది. ఆ తర్వాత సాంకేతిక స‌మ‌స్య కార‌ణంగానే అవాంత‌రం త‌లెత్తింద‌ని, స‌మ‌స్య‌ను ప‌రిష్క‌రించిన‌ట్లు వినియోగ‌దారుల‌కు తెలిపింది.
శుక్రవారం ఉద‌యం పేటీఎం ద్వారా చెల్లింపులు చేసేందుకు వినియోగ‌దారులు యాప్‌ను ఓపెన్ చేయ‌గా... సాంకేతిక స‌మ‌స్య‌లు క‌నిపించాయి. పేటీఎం ఓపెన్ అయినా... చెల్లింపులు కాలేదు. చెల్లింపుల‌కు అనుమ‌తి ఇచ్చిన వెంట‌నే పేటీఎం దానిక‌దే లాగౌట్ అయ్యింది. ఆ తర్వాత తిరిగి లాగిన్ అవుదామ‌ని య‌త్నించిన వినియోగ‌దారుల‌కు నిరాశే ఎదురైంది.
దీంతో వినియోగ‌దారులు పెద్ద ఎత్తున పేటీఎంకు ఫిర్యాదులు చేశారు. దీంతో అప్ప‌టిక‌ప్పుడు రంగంలోకి దిగిన పేటీఎం బృందం త‌లెత్తిన సాంకేతిక స‌మ‌స్య‌ను ప‌రిష్క‌రించింది. ఆ తర్వాత సాంకేతిక స‌మ‌స్య కార‌ణంగానే అవాంత‌రం త‌లెత్తింద‌ని, స‌మ‌స్య‌ను ప‌రిష్క‌రించిన‌ట్లు వినియోగ‌దారుల‌కు తెలిపింది.